Iphone 4s
Lahat na ata ng sinabihan kong bumibili pa ko dati ng text card para makapag text sa ibang fon ay hindi nakakarelate. Hindi ko alam kung ganun na ba ko kantanda o sadyang, nauto lang ako ng globe ng panahong di pa uso ang unlitxt.
Motorola d68 pa gamit kong fon ng mga panahon na yon. Simple lang sya, pero masaya na ko na nagagamit ko sya pantawag sa mga mahal sa buhay at pati na din sa minahal sa buhay. Inam.
Oo kuntento na sana ko dun, kaso mo dumating si nokia 3210 na mas cool ang features, sinu ba naman ako na tao lang at natutukso rin? Kaya pinagpalit ko si motorola kay nokia.
Dahil tulad ng iba, wala talaga kong kakuntentuhan... Ilan pang (nokia) models ang nagdaan sa kamay ko. Magagara, maporma at pwedeng ipagyabang sa tropa.
Hindi na ata mababago yun.. Hindi na ko makukuntento. Ngayon nga si Siri yung gusto kong maangkin.
Pag di ka kuntento o sawa ka na, pede ka naman magpalit. Dun naman umiinog ang buhay ng tao. Laging may aasam-asamin ka. Hindi ka makukunteto dahil yung inaakala mong ayus na features kaya mo ito nabili ay hindi naman pala ganun kacool pag tagal-tagal. Pabalat lang. Marketing strategy. Minsan nga madidisappoint ka pa kung bakit mo nabili 'to. Lalo na kung may bago kang makita na mas asteeg sa kasalukuyan mong ginagamit ngayon.
Subalit napansin mo ba? Ang mga bagay na may sentimental value, gaano man ito ka-luma, ka-laos, ka-panget, o anu pa mang di papantay sa kung anong nakikita mo ngayon ay mahirap pakawalan?
Yung Motorola d68 ko? nasa tukador nakatago. Kung tatanungin mo ko kung magkano halaga nya ngayong panahon na to… yun ay Priceless…