sasama ka bang magbulakbol sa bolero?
kahit mukha akong pulube at tunay na pulube naman ay magpapakontes pa din ako. kainaman yan, walang kokontra.
ang pakontes.
1. isa itong photo contest. kailangan ay ito ay patungkol o sumasalamin sa travel, lakwatsa, bulakbol, adventure o anu pa mang may relasyon sa mga temang nabanggit. (dahil eto ang tema ng blog ko, hindi man halata)
2. kailangang gawan ng caption ang lahok na larawan. ang caption ay dapat mayroon lamang 140 characters kasama ang mga punctuations at spaces. kumbaga ito ay parang bilang ng kasyang karakter sa ordinaryong twit.
3. hindi required na maging propesyonal ang pagkakakuha. kahit fon capture lang ay ubra na. basta siguraduhin eto ay sumasalamin sa temang nabanggit sa bilang 1.
4. ang editing (kung maari ay minor editing lang sana) ay pinahihintulutan subalit ang pinagtagpi-tagping larawan ay hindi maaring maging lahok.
5. maari mong samahan ng blog post ang iyong pyesa pero hindi ito required at walang timbang sa paghuhusga ng mga hurado.
6. ang pakontes ay tatakbo sa buwan ng Oktubre. Kailangan maipasok ang lahok mula Oktubre 1 hanggang Oktubre 28 para maging valid.
7. Oktubre 29-November 9 ang paghuhusga ng mga hurado.
paano makakasali?
1. dapat ikaw ay blogger. kahit saang platform ka man nagbloblog, live journal, blogspot, wordpress, tumblr, multiply o anu pa man ay inaanyayahang sumali.
2. dapat sumunod sa mga panuntunan ng pakontes sa taas.
3. ang entry ay ipopost mismo sa inyong blogsite. ilink mo din ang pakontes na to sa mismong entry mo.
4. kailangan na ilink ang inyong entry sa comment section ng post na ito. kailangan nilalaman ng comment ang mga sumusunod:
a. name:
b. blogsite:
c. bloglink ng entry:
5. kailangan may jpeg copy ka din ng mismong isasaling larawan para gamitin ng mga judges sa panghuhusga. ang jpeg copy ay kailangan isend sa email ko: bulakbolero.sg@gmail.com
6. isang entry lang ang valid na entry sa isang blogger kahit mayroon syang multiple blogs.
kriteria sa paghuhusga ng lahok
1. teknikal na aspeto ng larawan (20%)
Nasa tamang focus ba ang larawan. Malinaw ba ito? tama ang kulay? timpla ng contrast? etc.
2. nilalaman o pokus ng larawan (30%)
Ang lahok ba ay sumasakop sa nasabing tema?
Pagiging malikhain sa lahok (creativity daw tawag dun).
3. komposisyon (20%)
Kung may storya ba ang napiling lahok
Saan nakafocus ang subject.
may impact ba yung larawan pag tiningnan ng hurado?
4. kabuuang impresyon (30%)
Tulad ng ibang larawan, ang panlasa ng hurado ay iba-iba. Hindi ito nakabase sa kung propesyonal ba ang pagkakakuha o anu pa man. Eto ay nakabase kung nagustuhan ba ng hurado ang iyong napiling lahok.
Ang mga hurado
ang iba pang detalye tungkol sa kanila ay mababasa DITO.
Ang mga papremyo
ang mga papremyo ay may kinalaman sa mga bagay tungkol sa pagbubulakbol.
kaya…
kung ikaw yung pangatlong pinakamagaling, ETO ang makukuha mo.
kung pumapangalawa ka naman sa magagaling ayon sa akin mga tropang hurado. ETO naman ang mapapa sa’yo.
pero kung ikaw na talaga. kainaman yan at syang tunay. sana ay magustuhan mo ga ETO.
pagdamutan nyo na po ang nakayanan ni bulakbolero, wala po akong sponsors ba. baka next year. pwede na DSLR. LOL. juk onli wala sana maniwala. haha
=========================
sali na at salamat.